Қуандық Бишімбаевты қорғаған адвокат марапатталды
Республикалық адвокаттар алқасы кәсіби мерекеге орай медаль және құрметті атақтармен марапатталған қорғаушылардың тізімін жариялады. Бұл туралы Kznews.kz ақпарат агенттігі хабарлайды.
Марапатталғандардың ішінде әйелі Салтанат Нүкенованы өлтірген Қуандық Бишімбаевты қорғаған адвокат Ерлан Ғазымжанов та бар.
Ерлан Ғазымжанов «Кәсіпқойлығы үшін» мерекелік медалімен марапатталды. Оған медальді республикалық адвокаттар алқасы төрағасының орынбасары Игорь Вранчев табыс етті.
Сол сотта Игорь Вранчев марқұм Салтанат Нүкенованың отбасының құқықтарын қорғаса, Ерлан Ғазымжанов Қуандық Бишімбаевтың мүдделері үшін күресті.
Еске салсақ, бұған дейін Салтанат Нүкенованың отбасының адвокаты Жанна Оразбақова марапатталды.
