ҚР СІМ қазақ қыздарына «мобилизация» жариялаған Алекс Леслидің ісін қолға алды

0
16

Қазақстан Сыртқы істер министрінің орынбасары Роман Василенко ресейлік пикапер Алекс Леслидің ауыр сөздер айтып жүргенін мәлімдеді.

«Мұндай жағдайларда адамның Қазақстанға кіруіне тыйым салудан бастап ол азаматы болып табылатын елдің ресми мемлекеттік органдарының қандай да бір шараларына дейін  қабылданады.  Менің түсінуімше, бұл жауапкершілікті сезінбейтін ауыр мәлімдемелер жасайтын жеке азамат. Сондықтан, бұл материалды біз зерттейтін боламыз, тиісті қорытындылар жасалатын болады», — деп сендірді Василенко Сенат аясында.

Бұл ретте ол ел СІМ әрбір шетелдіктің Қазақстан және республика азаматтары туралы сөздеріне жауап бере алмайтынын атап өтті.

«Мысалы, Ресейде 140 миллион адам тұрады. Біз әрқайсысына жауап бере алмаймыз. Ресейдің де ресми ұстанымы бар, басқа мемлекеттердің де ресми ұстанымы бар. Біз  олармен жұмыс істейміз», — деді министрдің орынбасары.

t.me/orda_kz