Қосымша құн салығы: оңтайлы шешім қандай?

Соңғы уақытта Үкіметтің ҚҚС мөлшерлемесін 12%-дан 20%-ға дейін арттыру туралы ұсынысы қоғамда қызу талқылануда. Бұл шешімге кәсіпкерлер мен сарапшылар қарсылық білдіріп, салықтың өсуі тауар бағасының қымбаттауына және халықтың сатып алу қабілетінің төмендеуіне әкелуі мүмкін екенін айтуда.

Президент Қасым-Жомарт Тоқаев бұл мәселені мұқият қарастыруды тапсырды:
“ҚҚС мөлшерлемесі сараланып белгіленуі тиіс. Үкімет шешімді кәсіпкерлер мен сарапшылардың пікіріне құлақ аса отырып қабылдауы керек.”

Көрші елдер тәжірибесі:
• Өзбекстан (2023) – 15%-дан 12%-ға төмендетті.
• Қырғызстан – 12%.
• Қытай – 16%.
• Ресей – 20%, бірақ жеңілдіктер қарастырылған.

Сарапшылардың пікірінше, салықтың өсуі көлеңкелі экономиканы күшейтуі мүмкін. Баламалы шешім ретінде:
✔️ ҚҚС мөлшерлемесін салаларға байланысты саралау.
✔️ Салықтық әкімшілендіруді жетілдіру, бюджетке түсетін қаржыны арттыру.
✔️ Кәсіпкерлерге өтпелі кезең енгізу, жаңа мөлшерлемеге бейімделу үшін.

Үкімет түпкілікті шешімді биыл қабылдауы тиіс. Ең бастысы – салық реформасы бизнеске қысым жасамай, экономикаға оң әсер етуі қажет.