Қос елшіге алғыс білдірді | «Айқын» газеті

Сенат төрағасы Қасым-Жомарт Тоқаев Чех Республикасының Қазақстандағы елшісі Элишка Жигованы және Жапонияның біздің еліміздегі елшісі Итиро Кавабатаны дипломатиялық қызметтерінің аяқталуына байланысты қабылдады.

Сенат төрағасы Қазақстанның Чехия және Жапония мемлекеттері арасындағы саяси, экономикалық және мәдени-гуманитарлық салалардағы жан-жақты ынтымақтастықты нығайтудағы нәтижелі әрі ауқымды еңбектері үшін елшілерге алғыс білдірді.
Қ.Тоқаев Чехияға қатысты біздің мемлекеттеріміздің арасындағы ең жоғары деңгейдегі қарым-қатынастар, оның ішінде заң шығару органдарының үнқаты­суы қарқынды сипатқа ие болғанын атап өтті. Чехия Парламенті қос палата­лары­ның басшылары Астанаға бірнеше рет сапарлап келген болатын.
Қазақстан мен Жапония арасындағы ынтымақтастық туралы айта келіп, Сенат басшысы Президент Н.Назарбаевтың 2016 жылғы қараша айында Жапонияға жасаған сапарының ерекше маңызына тоқталды. Қасым-Жомарт Тоқаев Жапония Парла­мен­тімен қатынастарды одан нығайтуға ықыласты екенін айтып, сауда-экономи­ка­лық және инвестициялық ынтымақтас­тық­ты дамытудың зор келешегін атап өтті.
Жүздесу соңында Қ.Тоқаев елшілерге алғыс хаттарын табыстады.

Айхан ШӘРІП