Қорғаныс министрлігі Бөкей Ордасына құлаған дронға қатысты пікір білдірді (ВИДЕО)
Генерал-майор Жазықбаев қазір тергеу жүріп жатыр дейді
«Батыс Қазақстан облысындағы жағдай бойынша барлық құзіретті органдармен тергеу жүріп жатыр. Тергеуден қорғаныс министрлігі тыс қалған жоқ. Біздің әуе қорғанысымыз әрқашанда біздің қарауымызда. Тергеудің нәтижесі бойынша қосымша іс шаралар қабылдаймыз», — деді ол сөз басында.
Ал «неге сол полигонға дрон қайта-қайта құлай береді, ол жерде не бар?» деген сұрақты арандату деп санап, журналистке «әр жаққа арандатудың қажеті жоқ» деген жауабын айтты.
«Үйтіп әр жаққа арандатудың қажеті жоқ. БҚО Бөкей Орда ауданында сынақ полигоны бар. Оның әуе кеңістігі де бар екен. Мүмкін техникалық ақау шығар, оны тергеу біткеннен соң ғана айта алмаймыз. Полигонды Ресейге жалға бергеміз. Бақылау бар. Естеріңізге сала кетейік, ҰҚШҰ елдерінің әуе қорғаныс күші ортақ жүйеде», — деді ол.
Ал, сыртқы істер министрінің бірінші орынбасары Ақан Рахметуллин болса БҚО аумағына құлаған дронға қатысты Қазақстан Киевке өз алаңдаушылығын айтқан. Әзірге ол тараптан жауап келмеген.
