Қорғаныс министрлігі 7 мамырда әскери парад неге болмайтынын түсіндірді

0

Қорғаныс министрлігінде әскери парад жыл сайын өткізілуі тиіс деген регламент жоқ

Биыл Отан қорғаушылар күніне арналған әскери парад болмайды. Қарулы күштердің бөлімшелері дайындықтарын оқу-жаттығу кезінде  көрсетті, деп хабарлады ҚР Қорғаныс министрлігінің баспасөз қызметі Sputnik Қазақстан ресми сауалына.

«Отан қорғаушылар күніне орай әскери парад өткізу жоспарланып отырған жоқ»,- деп жазылған Қорғаныс министрлігінің жауабында.

Биыл Қарулы күштер бөлімшелері парадының орнына «Айбалта 2019» стратегиялық командалық-штабтық оқу-жаттығуы өтті. Ол Алматы облысындағы «Қаратал» полигонында ұйымдастырылған болатын.

«Әскери шеруден бас тартудың айтарлықтай себебі жоқ. Бізде шеруді жыл сайын өткізу керек деген регламент жоқ. Биыл Қарулы күштер бөлімшелері парадының орнына «Айбалта 2019″ стратегиялық командалық-штабтық жаттығуы өтті. Жаттығу кезінде қазақстандық әскер өзінің күш-қуатын көрсетті», – деді Қорғаныс министрлігінің баспасөз хатшысы Серік Боранбаев.

«Айбалта 2019» оқу-жаттығуы

Биыл «Айбалта 2019» оқу-жаттығуы ауқымды болды. Оған сегіз мың әскери қызметкер, бір жарым мыңнан астам жердегі техника мен 50-ден астам әуе техникасы қатысты.

©
Sputnik / Тимур Батыршин

«Айбалта 2019» командалық-штабтық оқу-жаттығуы

Түрлі өңірлерден жиналған Қазақстанның Қарулы күштер бөлімшелері екі апта бойы ел аумағына кірген қарулы топтарды жою бойынша жаттығып, дайындықтарын пысықтады.

©
Sputnik / Тимур Батыршин

«Айбалта 2019» командалық-штабтық оқу-жаттығуы

Оқу-жаттығу аяқталған соң, Қазақстан президенті Қасым-Жомарт Тоқаев әскердің дайындығына жоғары баға берді. Қарулы күштердің беделін нығайта түсу үшін мемлекет тарапынан қолдау көрсетуді жалғастыратынын айтты.

sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз