Қазақстанның үздік футболшысы жол апатынан қаза тапты
Жетісу облысының үздік футболшысы, балалар мен жасөспірімдер командасының жаттықтырушысы Батырбеков Әлібек Асылбекұлы кешегі жантүршігерлік жол апатынан қаза тапты, деп хабарлады Алматы облысы Полиция департаментінің баспасөз қызметі.
Жол апаты Алматы-Талдықорған тасжолында болған.
«26 жастағы жүргізуші сағат 18:20 шамасында тасжолдың 109-шақырымында рөлді тізгіндей алмай, қоршауға соқтығысты. Жол апаты салдарынан жүргізуші алған жарақаттарынан жансақтау бөлімінде қаза болды. Екі жолаушы зардап шегіп, Қонаев ауруханасына жатқызылды», — деді жергілікті ПД өкілі.
