Қазақстанның Елшісі Черногория Президентіне сенім грамоталарын тапсырды

0
77
23 Қараша 2018, 18:17 135 0

Астана, BAQ.KZ. Қазақстанның Хорватиядағы Елшісі және Черногорияда қоса атқарушы Елшісі Төлежан Барлыбаев Черногорияның Президенті Мило Джукановичке сенім грамоталарын тапсырды.

Кездесу барысында тараптар екіжақты қарым-қатынастардың ахуалы мен болашағын талқылады. Елші Черногория Президентіне Президент Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» Қазақстан халқына жолдауы, негізгі сыртқы саяси бастамалары туралы хабардар етіп, мемлекет басшылығының мемлекетаралық қарым-қатынастарды жан-жақты нығайту және халықаралық аренадағы өзара іс-қимылын тереңдету бойынша дәйекті бағдарын атап өтті.

Черногорияның Президенті М. Джуканович Подгорицаның Қазақстанмен экономикалық, сауда, мәдени-гуманитарлық қатынастарды жандандыру және саяси диалогты дамытуға қызығушылығын атап өтті. Мемлекет басшысы барлық қазақстандықтарға жақсы тілектерін білдіріп, Елшіге табысты дипломатиялық миссия тіледі.


















Біздің Telegram-парақшамызда Қазақстанның маңызды жаңалықтары. Жазылыңыздар!


Дереккөз: BAQ.KZ