Қазақстанның алты облысында дауылды ескерту жарияланды

Қазақстанда 28 тамызда ауа райының қолайсыздығына байланысты алты облыста дауылды ескерту жарияланды, деп хабарлайды Stan.kz ақпарат агенттігі.
Елімізде ыстықтың беті қайтып, кей жерде жауын жауады

Қазгидрометтің хабарлауынша, Батыс Қазақстан облысында солтүстік, солтүстік-шығыс, облыстың оңтүстік-батысында 15-20 м с жылдамдықта жел соғады. Өрт қаупі сақталуда.

Ақмола облысында кей жерлерде найзағай ойнайды, бұршақ жаууы мүмкін, жел күтіледі, төтенше өрт қаупі сақталады.

Павлодар облысында — найзағай ойнап, екпінді жел соғады. Солтүстік Қазақстанда жаңбыр жауып, тұман түседі. Найзағай ойнап, бұршақ жауады.

Алматы облысында — өткінші жаңбыр жауып, найзағай ойнайды, жел соғып, бұршақ жауады.

Жамбыл облысында, таулы және тау бөктеріндегі аудандарда найзағай ойнайды, бұршақ жаууы мүмкін. Төтенше өрт қаупі күтіледі.