Қазақстаннан Ресейге бара жатқан автобус аударылды 

Астана, BAQ.KZ. Автобус жыраға түсіп кетіп, аударылып қалған. Зардап шеккендер бар. Бұл жөнінде РИА Новости порталы хабарлайды.

Қазақстаннан Екатерибургке қарай бет алған автобус жыраға түсіп, аударылып қалған. Бір жолаушы зардап шекті.

Жол-көлік оқиғасы Мәскеу уақыты бойынша 06:30 шамасында Екатеринбург – Шадринск – Қорған тас жолында орын алды.

«Алдын ала мәлімет бойынша «Қазақстан – Екатеринбург» бағыты бойынша келе жатқан автобус жүргізушісі көлікті игере алмай қалып, соның салдарынан автобус жыраға түсіп кеткен. Көлік құралы бүйір жағына қарай аударылған. Салонда барлығы 17 адам болған», — деп жазылған хабарламада.

Жол апаты салдарынан 1985 жылы туған жолаушы зардап шеккен. Ол бас миының шайқалуы, басы мен қолының түрлі жарақатымен Белояр ауруханасына жеткізілді

Біздің Telegram-парақшамызда Қазақстанның маңызды жаңалықтары. Жазылыңыздар!