Қазақстандықтарға жәрдемақылар мен төлемдер үшін әмбебап карталар таратылады — Қазақстан жаңалықтары

Барлық облыс орталықтарындағы жеңілдік алушылар 2020 жылдың соңына дейін жәрдемақы мен төлемдер үшін әлеуметтік жеке куәлік алады, бұл туралы еңбек және халықты әлеуметтік қорғау вице-министрі Нариман Мұқышев айтты, деп хабарлайды Stan.kz ақпарат агенттігі.

Жоба алғаш рет Ақтөбеде жергілікті әкімдік пен Қазпошта қатысуымен іске қосылды.

Әлеуметтік ID-картаға жеңілдіктер мен жәрдемақы түседі және төлем алушыларға мынадай мүмкіндіктер береді:

— қоғамдық көлікте жүру ақысын төлеу (207 автобус және 108 трамвай);

— АЕК алушы отбасылардың балаларына (91 мектеп) тегін ыстық тамақ беру;

— белгілі бір дәрі-дәрмектерді тегін алу.

«Мектептің кіре берісінде әлеуметтік картаны қолдана отырып, басқарудың электронды жүйесінде тіркеуге болады», — деді Мұқышев.

Оның айтуынша, бүгінде 84 мыңға жуық карта шығарылды, 62 мың транзакция аяқталды.

Бұл тәжірибені Нұр-Сұлтан, Алматы, Шымкент, Қарағанды, Қызылорда, Павлодар, Маңғыстау, Атырау, Ақтөбе, Алматы, Солтүстік Қазақстан облыстары қайталамақшы.

2020 жылдың соңына дейін жобаны барлық облыс орталықтарында кеңейту жоспарлануда.

Бұған дейін еңбек ресурстарын дамыту орталығы алғашқы карталар зейнеткерлерге, мемлекеттік жәрдемақы алушыларға, сондай-ақ мектеп оқушыларына берілетіндігін хабарлады.

Бірнеше жылдар бойы «Қазпошта» АҚ филиалдарының кассаларында жәрдемақы мен зейнетақыны алудың балама тәсілі сақталатындығы айтылды.

Үкімет шешіміне сәйкес әмбебап картаға толық көшу 2023 жылға дейін аяқталуы керек.