Қазақстандықтарға үй алуға 110 миллион доллар берілді
Мемлекеттік бағдарлама бойынша қарыз алу үшін 5,2 мыңнан астам қазақстандық өтініш берді
АСТАНА, 10 желтоқсан — Sputnik. «7-20-25» бағдарламасы басталғалы бері жарты жылдай уақыт ішінде бес мыңнан астам өтініш қабылданған.
«10 желтоқсандағы ахуал бойынша 62,1 миллиард теңге немесе 167,9 миллион доллар қарыз алу үшін 5 298 өтініш түсті. Олардың ішінде 40,7 миллиард теңгеге немесе 110 миллион долларға 3 391 өтініш қанағаттандырылды», — деп хабарлайды Ұлттық банк.
Бағдарлама операторы Ұлттық банктің еншілес компаниясы — «Баспана» ипотекалық ұйымы» АҚ әр он күн сайын аралық қорытынды шығарып отырады.
Қазақстандықтарға баспана алу үшін 1 миллион теңге беріледі
Алғашқы жеті қарыз 4 шілдеде Алматы, Астана, Ақтау, Орал және Өскемен қалаларында берілді.
«7-20-25» бағдарламасының шарттары қандай?
«7-20-25» жаңа ипотекалық тұрғын үй бағдарламасы бойынша қарыз беру 4 шілдеден басталды. Бағдарлама шарттары: сыйақы мөлшерлемесі — 7%, жарна — 20%, несиені өтеу мерзімі — 25 жыл.
«7-20-25» тұрғын үй бағдарламасы — толық ақпарат
10 миллион теңгенің пәтерін алу үшін жалақы қанша болу керек?
Дереккөз: https://sputniknews.kz/
