Қазақстандықтар алға қадам басуы үшін екі тілді қатар білуі керек – Ресей елшісі

Ресейдің Қазақстандағы елшісі Алексей Бородавкин «Россия сегодня» агенттігіне Ресей мен Қазақстан арасындағы жағдайды «айқындайтын» сұхбат берді. 

Ол сұхбатында Путин мен Тоқаевтың өзара қарым-қатынасы, Қазақстандағы ұлтшылдық тенденциялары және Ұжымдық батыстың Қазақстанға «хаос» тудыруға тырысып жатқаны туралы айтты.

– Әрбір қазақстандық екі аяқта нық тұруы тиіс: бірі мемлекеттік тіл – қазақ тілі, екіншісі Қазақстан Конституциясында көрсетілгендей ресми тіл – орыс тілі. Бұл екі аяқ тең болған жағдайда ғана алға қадам баса алатынын ескеру керек. Қазақстан үшін Ресей – ең жақын одақтас, интеграциялық әріптес, ұлы держава, –  деп Ресей елшісі Алексей Бородавкин.