Қазақстандық футболшының өліміне қатысты мән-жай белгілі болды
Қысқа сілтеме алу
«Оқжетпес» жастар клубының он тоғыз жастағы футболшысын жерлеу рәсімі жұма күні өтеді
НҰР-СҰЛТАН, 15 тамыз — Sputnik. Көкшетаулық «Оқжетпес» жастар клубының футболшысы Роман Зюзиннің неден қайтыс болғаны белгілі болды, деп хабарлайды Sputnik Қазақстан.
Футбол клубы жас спортшының сеспистен (іріңдеу) көз жұмғанын айтты. Өткен демалыс күндері Роман Зюзиннің ыстығы көтеріліп, ауруханаға жатқазылыпты.
Футболшының өлімі туралы 14 тамызда хабарланған.
Тағы оқыңыз: Қытайда көз жұмған қазақстандық қыздың өліміне қатысты тың дерек шықты
«Жақын адамнан, достан айырылу қандай қайғы. Мықты, денсаулығы зор жастардың қаза болуы одан өткен қасірет. «Оқжетпес» футбол клубы Роман Зюзиннің туыстары мен жақындарына көңіл айтады. Роман көкшетаулық «Оқжетпес» клубының жастар командасында өнер көрсеткен болатын» – делінген команданың ресми сайтында.
Сонымен қатар футбол клубы Sputnik Қазақстан тілшісіне жас ойыншымен қоштасу рәсімі 16 тамызда Көкшетау қаласындағы «Оқжетпес» командасының стадионында өтетінін айтты. Алдын ала мәлімет бойынша рәсім таңғы сағат 11.00-де басталады.
Биыл Роман Зюзин Қазақстанның екінші лигасында 14 ойын өткізіп, 1 гол салған.
sputniknews.kz
