Қазақстандық дзюдошылар Польшадан 7 медаль жеңіп алды
24-25 қараша күндері Польшаның Олесница қаласында дзюдодан жастар арасында халықаралық турнир өтті.
Қазақстандық дзюдошылар жеті медаль жеңіп алды. ҚР Дзюдо федерациясының баспасөз қызметі мәлім еткендей, турнирге 21 елден 347 татами шебері қатысты.
Қазақстан жастар құрамасынан 15 дзюдошы қатысып, оның 7-еуі жүлдемен оралды. Хатип Арсен мен Мықтыбеков Нұрбек баптайтын жастар құрама командасы медаль саны бойынша жалпы командалық есепте бірінші орынға ие болды.
Назарларыңызға жарыс жеңімпаздары мен жүлдегерлер тізімін ұсынамыз:
Алтын
1. Ерлан Уналов (55 кг)
2. Билал Болат (60 кг)
3. Сәлімбаев Нұрзат (66 кг)
4. Шынтас Серікболсын (90 кг)
Күміс
Әбілхайыр Ұлықбек (55 кг)
Қола
1. Алмазұлы Сүйініш (55 кг)
2. Мұқышев Айбар (73 кг)
