Қазақстандық балуан Нұрқожа Қайпанов әлем чемпионы атанды
Еркін стильдегі күрестен балуан Нұрқожа Қайпанов әлем Тиранда (Албанияда) өткен чемпионатта алтын медаль жеңіп алды.
70 келіге дейінгі салмақ дәрежесіндегі соңғы жекпе-жекте оған жапондық Йошиносуке Аояги қарсы тұрды.
Қарсыластықта 5:3 есебімен қазақстандық жеңіске жетіп, мансабында алғаш рет әлемдік біріншіліктің алтынын жеңіп алды.
2019 жылы Астанада өткен әлем чемпионатында Нұрқожа Қайпанов күміс медаль иегері атанды.
Қазір Қазақстанда еркін күрестен екі әлем чемпионы бар. Бұл атақты бірінші болып Ризабек Айтмұхан (92 келіге дейін) 2023 жылы алды.
❕ Telegram | Instagram | TikTok
