Қазақстандық әншілер шектеуге қарамастан, тойға шыға бастады

0
8
Advertisement

Қазақстандық өнер иелері той-томалақтарда бой көрсете бастады.

Қуаныш барысындағы видеоны алғашқылардың бірі болып әнші Абай Бегей жүктеген.

«Бала кезімізде тойлар осылай өтуші еді…», – дейді әнші.

Артынша әнші Алтынай Жорабаева парақшасына ұзатуда өнер көрсетіп тұрған видеосын жүктеген. Әншінің сөзінше, ол Алтынай есімді қызды ұзатқан.

«Бүгін аттасым Алтынайға сырға салынды. Әкеңізге еркелегеніңіз қандай жарасымды. Рустем, Алтынай, бақыттарыңыз баянды болсын», – дейді әнші.

Одан бөлек, Желіде Түркістан облысында карантин кезінде өткен үйлену тойының видеосы тарап кетті.

Карантин кезінде отбасылық іс-шаралар өткізуге тыйым салынғандықтан полиция қазіргі уақытта видеодағы адамдарды іздестіріп жатыр. Видео Instagram желісіндегі ztb_kz парақшасында жарияланды. Видео авторлары үйлену тойының Түркістан облысында болғанын айтады.

«Үйлену тойы үйдің ауласында өткен, ал қонақтар пандемияға дейінгі тойлардағыдай өте көп. Қолданушылардың бірі үйлену тойын ұйымдастырған адамды айыптаса, өзгелері бұл жағдайға түсіністікпен қарайды», – делінген видеоның сипаттамасында.

Видеода «Алдараспан» əзіл-сықақ театрының әртісі Нұржан Төлендиев ән салып жатқанын аңғаруға болады.

«Полиция осы іс-шараның қашан және қайда өткенін анықтайды. Егер той карантин кезінде өткен болса, онда той иелері Әкімшілік құқық бұзушылық туралы кодекстің  462-бабы, 3-бөлігі («Мемлекеттік бақылау және қадағалау органдары берген заңды талаптарды немесе қаулыларды орындамау немесе тиісінше орындамау») бойынша әкімшілік жауапкершілікке тартылады», – деді полицейлер.

Еске салайық, коронавирус пандемиясына байланысты еліміздің бірнеше аймағында карантин талабы күшейді. Оның ішінде, Қарағанды облысында 13 маусымнан, СҚО-да 15 маусымнан, ШҚО-да карантин әлі де өз күшінде, Семейде 13 маусымнан, Маңғыстау облысында 8 маусымнан, Атырау облысында 5 маусымнан, Алматы облысында 8 маусымнан карантин күшейсе, Шымкентте және Түркістан облысында шектеу шарасы әлі де алынбаған.

Tengrinews.kz

Ең соңғы жаңалықтарды KzNews.KZ телеграм каналынан оқи аласыз! Телефоныңызға тікелей келетін ақпаратқа жазылыңыз. 

 
Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз