Қазақстандағы ең ұзын көпірдің құрылысы тоқтап қалуы мүмкін
Сенат отырысында депутат Бақытжан Баяхметов «Бұқтырма су қоймасы арқылы көпір салуға қауіп төніп тұрғанын» мәлім етті, деп хабарлайды Ulysmedia.kz.
«Мемлекет басшысының тапсырмасын уақтылы әрі сапалы орындау үшін республикалық бюджеттен 2023 жылы 20 млрд теңге сомасында, ал 2024 жылы Бұқтырма су қоймасы арқылы өтетін көпір өткелін салуға 21,8 млрд теңге сомасында қаражат бөліну қажет», — деді Бақытжан Байахметов.
Семей қаласындағы Ертіс өзені арқылы өтетін және құны 32 млрд теңгені құрайтын көпірді қаржыландыру жоспарында да осындай жағдай қалыптасқан.
«2023-2025 жылдарға арналған республикалық бюджетте объектіні қаржыландыру аясында 2023 жылы 500 млн теңге және 2024 жылы 1,5 млрд теңге көлемінде қаражат бөліну көзделеді. Бұл жағдай Мемлекет басшысының тапсырмасын орындау мерзімдерінің орындалмауына және сәйкесінше жобаның қымбаттауына алып келеді. Іске асыру мерзімі бойынша жоба 2025 жылға дейін аяқталуы тиіс. Жоғарыда айтылғандарға сәйкес, сізден республикалық бюджетті нақтылау шеңберінде аталған жобаны 2023 жылы 15 млрд.теңге, сондай-ақ 2024 жылы 17 млрд. теңге көлемінде қаржыландыру бойынша ықпал етуіңізді сұраймыз», — деді сенатор Бақытжан Байахметов деді премьер-министрге жолдаған сауалында.
