Қазақстандағы ең ірі тұрғын үй объектісінен карантин алынды — онда 22 мың адам тұрады — Қазақстан жаңалықтары

Алматы облысында 22 мыңға жуық адам қамалған «Асыл Арман» тұрғын үй кешенінен карантин алынып тасталды. Бұл шешімді Қарасай ауданының бас санитарлық дәрігері қабылдады, деп хабарлайды Stan.kz ақпарат агенттігі.

Алматы облысы әкімдігінің баспасөз қызметі хабарлағандай, 14 сәуір, сәрсенбіде қайталама сынақтардан кейін «Асыл Арман» тұрғын үй кешенінің жүкті тұрғыны емханадан шығарылды.

Ал, 1957 жылы туған екінші тұрғын емделуде. Барлығы 23 байланыс анықталды, оларда коронавирусқа жасалған сынақ теріс нәтиже берді.

Естеріңізге сала кетейік, тұрғын үй кешенінің жабылуына тұрғындардың бірінен коронавирус инфекциясының анықталуы себеп болды. Жұқтырған әйел 61 жаста.

1 сәуірде карантин енгізілген еді. Осы уақыт ішінде әскери еріктілер құқық қорғау органдарының қызметкерлерімен бірге тұрғын үй кешенінің барлық аумағында қызмет етті.

Ресми ақпаратқа сәйкес, «Асыл Арман» тұрғын үй кешені 20-дан астам көпқабатты үйлерден тұрады, ондағы 5 088 пәтерде 22 мыңға жуық адам тұрады.