Қазақстанда тағы бір облыстың бас дәрігері қызметінен кетті
Қысқа сілтеме алу
Маңғыстау облысы денсаулық сақтау басқармасының басшысы денсаулығына байланысты өз еркімен орнын босатқан
НҰР-СҰЛТАН, 20 сәуір – Sputnik. Маңғыстау облысы денсаулық сақтау басқармасының басшысы Әнуар Сағымбаев қызметінен кетті. Бұл ақпаратты Sputnik Қазақстанға облыстық әкімдіктің баспасөз қызметі растады.
«Маңғыстау облысы денсаулық сақтау басқармасының басшысы Әнуар Сағымбаев денсаулығына байланысты өз еркімен қызметінен кетті», — деді әкімдіктен.
Басқарма басшысының міндетін оның орынбасары Ләззат Есенғалиева атқарады.
Соңғы дерек бойынша Маңғыстау облысында барлығы 12 адам коронавирус жұқтырған.
Еске сала кетсек, 18 сәуірде Атырау облысының бас дәрігері де орнын босатты. Денсаулық сақтау басқармасының бұрынғы басшысы Байтолла Ғазизов қызметінен өз еркімен кеткені хабарланған еді.
sputniknews.kz
