Қазақстанда тағы бір адамда коронавирус анықталды

Қазіргі уақытта елде 33 адамның коронавирус жұқтырғаны белгілі. Оның 15-і- Алматыда, 18-і — астанада

НҰР-СҰЛТАН, 17 наурыз – Sputnik. Қазақстанда коронавирус жұқтырғандардың саны 33-ке жетті. Бұл туралы Денсаулық сақтау министрлігі хабарлады.

«Нұр-Сұлтан қаласында тағы бір адамда коронавирус анықталды», — делінген ақпаратта. 

Қазіргі уақытта елде 33 адамның коронавирус жұқтырғаны белгілі. Оның 15-і- Алматыда, 18-і — астанада. 

Алматы мен астана карантинге жабылады

19 наурыздан бастап Нұр-Сұлтан мен Алматы карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия осындай шешім қабылдады.

Бүгінде Қазақстанда коронавирус жұқтырғандар саны 32 адамға жетті. 15 науқас Алматыда, қалған 17-і Нұр-Сұлтанда жатыр.

Тағы оқыңыз: Карантин кезінде Нұр-Сұлтан мен Алматыға кімдер кіре алады

16 наурыздан бастап елімізде төтенше жағдай жарияланды, шектеу шаралары қабылданған еді.