Қазақстанда он бір пациент хәл үстінде жатыр – министр

Денсаулық сақтау министрі брифингте олар интенсивті реанимация бөлімінде ем қабылдап жатқанын атап өтті

НҰР-СҰЛТАН, 3 сәуір – Sputnik. Қазақстанда коронавирус жұқтырған он бір адамның жағдайы өте ауыр. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі.

«Он бір науқастың жағдайы өте ауыр деп саналады. Олар интенсивті реанимация бөлімінде ем қабылдап жатыр. 68 пациенттің жағдайы орташа. 341 адамның жағдайы жеңіл», — деді министр онлайн брифингте.

453 науқаспен байланыста болған 13 467 адам анықталды. Олардың арасында 442 азамат шетелге шығып кетті, ал қалған 13 025 азаматтың 96,7 проценті табылып, оқшауланды.

Оқи отырыңыз: Жақсылық Досқалиев коронавирустан қалай қорғануға болатынын айтты