Қазақстанда газдың көтерме бағасы бекітілді

0
7

Энергетика министрлігі басшысының бұйрығымен бекітілген баға 2021 жылдың 30 маусымына дейін өзекті болады

НҰР-СҰЛТАН, 25 мамыр – Sputnik. Қазақстанда ішкі нарықта тауар газын көтерме сатудың шекті бағасы бекітілді.

18 мамырда Қазақстанның энергетика министрі Нұрлан Ноғаев тиісті бұйрыққа қол қойды.

Оқи отырыңыз: Қазақстанда әлеуметтік маңызы бар азық-түлік бағасын көтеруге тыйым салынады 

«2020 жылдың 1 шілдесінен 2021 жылдың 30 маусымына дейінгі кезеңде Қазақстан Республикасының ішкі нарығында тауар газын көтерме сатудың шекті бағасы бекітілсін. Энергетика министрлігінің газ және мұнай химиясы департаменті осы бұйрықты мемлекеттік тіркеуді қамтамасыз етсін»,- делінген Энергетика министрлігі басшысының бұйрығында.

Қазақстанның өңірлеріндегі газ бағасы

Қазақстанда 1000 текше метр газдың шекті бағасы қосымша құн салығынсыз 5 574 – 24 537 теңге аралығында құбылады. Атап айтсақ, Ақтөбе облысында 5 574 теңге (12,6 доллар), Алматыда 19 405 теңге (44 доллар), Шымкентте 20 819 теңге (47,3 доллар), Нұр-Сұлтан мен Қарағанды ​​облысында 24 537 теңге (55,7 доллар) болады.



sputniknews.kz