Қазақстанда әскерге шақыру тоқтатылды

Қорғаныс министрлігі коронавирус індетіне байланысты енгізілген төтенше жағдай режимі кезінде әскерге шақыруды тоқтатып отыр

НҰР-СҰЛТАН, 24 наурыз – Sputnik. Төтенше жағдайға байланысты әскери қызметке шақыру тоқтатылды. Бұл туралы ақпарат және қоғамдық даму министрі Дәурен Абаев мәлімдеді, деп хабарлайды Sputnik Қазақстан тілшісі.

«Қорғаныс министрлігінің жаңалығын ерекше атап өткім келеді. Төтенше жағдайдың енгзілуіне байланысты 2019 жылы көктемде шақырылған азаматтарды әскери қызметтен босату тоқтатылады. Сол сияқты әскери қызметке шақыру да уақытша тоқтатылады», — деді Абаев бүгінгі брифингте.