Қазақстанда 1 қаңтардан бастап зейнетақы мен жалақы өсті

Қазақстанда жаңа жылдың 1 қаңтарынан бастап мемлекеттік базалық жәрдемақы мен зейнетақы мөлшері өсті, деп хабарлайды KzNews ақпарат агенттігі.

Зейнетақы

Жасы мен еңбек өтіліне байланысты зейнетақы алатын азаматтар үшін қаңтардың бірінен бастап зейнетақы мөлшері 7%-ке өсті. 2021 жылдан бастап мемлекеттік базалық зейнетақының ең аз мөлшері 18 524 теңгені құрайды. Осылайша ол 4 600 теңгеге өсіп отыр. Қазіргі сәтте ең төменгі зейнетақы 43 272 теңге. Бұл зейнетақының 2 917 теңгеге өскенін көрсетіп отыр. Ал жалақының ең төменгі мөлшері 42 500 теңге өзгеріссіз қалады.

Түркістан облысы тұрғындарының зейнетақысы 40 мың теңгеден сәл жоғары. Бұл елдегі ең төмен көрсеткіш. Ал әйелдер үшін зейнетке шығу жасы 60 жасқа көтеріліп отыр.

Қазақстан үкіметінің 2020 жылғы 9 қарашадағы қаулысымен Республика үкіметінің кейбір шешімдеріне өзгерістер мен толықтырулар енгізілді.

Осы орайда мүгедектікке байланысты төлемдер келесідей өзгерді:

• І топтағы мүгедектер 1,92 еселенген ең төменгі күнкөріс деңгейі, яғни 62 723 теңге алса, 1 қаңтардан бастап 65 860 теңге алып жатыр.
• Ересек жастағы II мүгедек тобындағы адам 1,53 PM алуы керек.
• III топтағы ересек мүгедек адамға 1,04 еселенген ең төменгі күнкөріс деңгейі мөлшерінде жәрдемақы беріліп жатыр. Оның мөлшері 35 675 теңгені құрайды, яғни, 1 700 теңгеге артты.

Жәрдемақы

2021 жылдан бастап бірінші немесе үшінші баланың туылуына берілетін бір реттік жәрдемақы 105,5 мыңнан 110,8 мың теңгеге дейін, төртінші және одан көп балаға — 175-тен 183,7 мың теңгеге дейін өсті.

Көп балалы аналарға ай сайынғы жәрдемақы да өскен:

— Төрт балаға — 44,5-тен 46,7 мың теңгеге дейін;
— Бес балаға — 55,6-дан 58,4 мың теңгеге дейін;
— Алты балаға — 66,8-ден 70,1 мың теңгеге дейін;
— Жеті балаға — 77,9-дан 81,8 мың теңгеге дейін;
— Сегіз балаға — 88,8-ден 93,3 мың теңгеге дейін;
— Тоғыз балаға — 100-ден 105 мың теңгеге дейін;
— Он және одан көп балаларға — 111,1-ден 116,6 мың теңгеге дейін.

Атаулы әлеуметтік көмек (АӘК) төлемі өзгеріссіз қалды — тағайындау үшін шекті табыс күнкөріс деңгейінің 70 пайызына дейін есепке алынады. Бірақ бір шартпен отбасының еңбекке қабілетті мүшелері жұмыс істеуі керек. Қазақстан Республикасы еңбек және халықты әлеуметтік қорғау министрлігі атаулы әлеуметтік көмек алу шарттарын жеңілдетуді қолға алды.

1 қаңтардан бастап әскери қызметкерлерге және арнайы мемлекеттік және құқық қорғау органдарының, мемлекеттік қызметтердің тұрғын үйді ұстауға және коммуналдық қызметтерге берілетін ай сайынғы қаражат — 3 739 теңгені құрайды.