Қазақстанда 1-3 баласы бар отбасыларға жәрдемақы төлене ме – министрдің жауабы

1

Көпбалалы аналарға жаңа жәрдемақы енгізілгеннен кейін, 1-3 баласы барлар да мемлекеттен көмек болса деген өтініштерін білдіре бастады

Еңбек және халықты әлеуметтік қорғау министрі Біржан Нұрымбетов көпбалалы емес отбасыларға жәрдемақы төлене ме, жоқ па деген сұраққа жауап берді, деп хабарлайды Sputnik Қазақстан тілшісі.

«Біз көпбалалы отбасыларға жаңа жәрдемақы енгіздік. Қазір оны 370 мың отбасы алып жатыр. Енді төрт баладан аз, бір, екі, үш баласы барлар да бізге де сондай жәрдемақы берілсе деген өтініштерін білдіріп жатыр. Қазір министрліктің ішінде әртүрлі тәсілдерін қарап, қаржыны есептеп жатырмыз. Бірақ, бұл мәселе, қаржы мүмкіндігіне байланысты», – деді Нұрымбетов мәжілісте өткен кездесуде.

Айтуынша, жаңа жәрдемақыны алатын 370 мың отбасының 125 мыңы тұрмысы төмен жанұялар. Ал бір, екі, үш балалы тұрмысы төмен отбасылардың саны 190 мың. Қазақстан бойынша 1-3 баласы барлар саны 2 миллион 904 жанұя . Яғни, он бес есе көп, деп жалғастырды министр.

«Сондықтан ол он бес есе артық қаражатты талап етеді. Екіншіден, дәулетті, жағдайы жақсы отбасыларға осы жәрдемақыны төлеу керек пе, жоқ па, ол да үлкен сұрақ. Сондықтан біз әлі ешқандай шешімге келген жоқпыз. Бірақ, оның бәрін қарап жатырмыз», деп сендірді ол.

Биылдан бастап атаулы әлеуметтік көмектен бөлек, көпбалалы отбасыларға жаңа жәрдемақы төлене бастады. Оның басты ерекшелігі – жәрдемақы табысына қарамастан төленеді. Ол бала санына қарай ай сайын беріледі.

Жаңа жәрдемақының мөлшері:

  • 4 балаға – 42 496 теңге;
  • 5 балаға – 53 127 теңге;
  • 6 балаға – 63 757 теңге;
  • 7 және одан көп балаға – 74 388 теңге.

sputniknews.kz

Загрузка...

1 Пікір

  1. Егер төрт баладан бастап төлейтің болса онда тек төлеуді төртінші баладан бастау керек.
    4 -ші бала болды қалғандарынада төленеді деген əділдік емес.
    Кəзіпгі кезде кез келген көмек көп-балалар ға беріліп жатыр. Тегің тамақ, киім кешек, балалары оқуға түсіп жатса министрлік, əкімдік жақтарынан көмектер бар. Ал 1,2,3 баласы барлар ондай жеңілдіктердің бірде біріне іліне алмайды.
    Сонда мемлекет 1,2,3 баласы бар отбасыларына деген ешқандай мүнкіндіктер қарастырмайды ма? Үйің жоқ болсын, жерің жоқ болсын, жұмысын жоқ болсын, жейтін тамағын жоқ болсын, балан жақсы оқып грантқа іліне алмай жатсын ол өз проблеман көп балалы отбасы емесің дегендері ме?
    Заңды жолмен шешу үшін біреуін көпсін, біреуін азсын демей бір-біріне кедергі жасамайтындай жолдармен шешілу керек. Үш балаға дейін төлегілері келмесе, онда төртінші баладан бастап төлей бастасын, сонда ешкім ренжімейді.
    Əрбір істі мұқият зертеп жасау керек деп ойлаймын.

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз