Қазақстан мен Беларусь мұнай тасымалдау мәселесін талқылайды

0
29

Қазақстанның энергетика министрлігі Беларусьтің «Белнефтехим» концернінен мұнай тасымалдау бойынша өтініш түскенін хабарлады.

– «Белнефтефтехим» министрлікке өтініш түсірді. Бұл ведомство өкілдері тасымалдау мәселесін талқылау үшін Қазақстанға келмекші. Қазіргі кезде түрлі бағыт бойынша мұнай тасымалдап жатырмыз және беларусь жағының ұсынысын қарастырамыз, – деді Қазақстанның энергетика министрі Нұрлан Ноғаев 15 қаңтарда.

Оның айтуынша, егер мұнай компанияларының бірі Беларусь тарабының шарттарымен келіссе, тараптар келісімге қол қоюы мүмкін. Ноғаевтың айтуынша, Беларусь делегаты Қазақстанға 20 қаңтарда келуді жоспарлап отыр.

Биыл Ресеймен мұнай тасымалдау бойынша келісімге келе алмаған Беларусь Украина, Польша, Әзербайдан және Балтық елдеріне мұнай сатып алу туралы ұсыныс жасаған.

Оқи отырыңыз: Беларусь Еуропа елдерімен мұнай тасымалдау бойынша келіссөз жүргізіп жатыр

Қазан айында Қазақстанға келген Беларусь президенті Александр Лукашенко Беларусьтің Қазақстаннан мұнай импорттауға мүдделі болып отырғанын жеткізген. Қазақстанның сол кездегі энергетика министрі Қанат Бозымбаев «мұнай және мұнай өнімдерін тасымалдау жөнінде келісімнің негізгі шарттарын жасадық» деп мәлімдеген.

«Жүз пайыз келістік деп айта аламын. Келісімде [тасымалданатын мұнай] көлемі айтылмайды, есесіне оны тасымалдау шарттары, ережелері жазылған» деген.

Екі аптаға жуық уақыт бұрын Мәскеу күтпеген жерден Беларуське мұнай тасымалдауды тоқтатқан. Сарапшылардың айтуынша, Беларусь бағаны арзандатуды сұраса, Ресей мұнымен келіспейді. Бұған дейін Минск шикізат тасымалдаудың балама жолдарын іздейтінін мәлімдеген.

Azattyq