Қазақстан мектептерінде діни әдебиеттерге тыйым салынады
Депутаттар мектептің зайырлы ұйым екенін баса айтты, деп хабарлайды Kznews.kz тілшісі Ulysmedia.kz. сілтеме жасап.
«Білім беру ұйымдарында діни және басқа да балаларға зиян келтіретін әдебиеттердің болуын шектейтін нақтылық бар. Мектепке түрлі уағызшылар мен дін қайраткерлері келетін фактілер де көріп жүрміз. Мектеп зайырлы ұйым болып табылады. Балаға зиян келтіретін діни немесе басқа ақпарат болмауы керек. Бұл заң түрлі діни қайраткерлер мен әдебиеттерді мектептерге жібермеуге негіз болады деп ойлаймын», – деді депутат.
Еске салайық, бұған дейін министр Аида Балаева Қазақстанда никаб киюге тыйым салу мүмкіндігіне қатысты сұрақтарға жауап берген болатын.
ТикТок желісінде қазақ жастарының флеш-мобы белең алып, олар президент Қасым-Жомарт Тоқаевқа ел басшылығының діни киім киюге тыйым салуға құқығы жоқ екенін мәлімдеуде.
Ал соңғы кезде жастардың сенімі үшін ұлтынан бас тартуға дайын екендіктерін білдіретін видеолар да пайда бола бастады.
Еске сала кетейік, бұған дейін Қазақстанда хиджаб киюге тыйым салынғандықтан қанша қыздың мектепке бармайтыны белгілі болған еді. Мұсылман құқық қорғаушысы Олжас Біләловтың айтуынша, қазірдің өзінде мектептерде 13 мыңнан астам қыз діни киім киеді.
Сонымен қатар, Мәдениет және ақпарат министрі Аида Балаева Қазақстанда хиджабқа тыйым салатын заң төңірегіндегі жағдайға қатысты пікір білдірді. Оның пікірінше, елдегі көптеген адамдар бұл резонансты тақырыпқа қатысты пікір айта бастады.
