Қасым-Жомарт Тоқаевтың неліктен Алматыға келгені белгілі болды

0

Қазақстан президенті қаланың бірқатар инфрақұрылымдық нысанымен танысып, коронавирус індетін мобильді скрининг арқылы анықтау орталығына барады

АЛМАТЫ, 12 мамыр – Sputnik. Мемлекет басшысы Қасым-Жомарт Тоқаев Алматы қаласына жұмыс сапарымен келді. Бұл жайында президенттің баспасөз хатшысы Берік Уәли Facebook парақшасында мәлімдеді, деп хабарлайды Sputnik Қазақстан.

Президентті әуежайда Алматы қаласының әкімі Бақытжан Сағынтаев күтіп алды.

«Мемлекет басшысы сапар барысында қаланың бірқатар инфрақұрылымдық нысанының жаңғырту жобаларымен және құрылысымен танысады», – деп жазды Берік Уәли.

Сондай-ақ, Қасым-Жомарт Тоқаев коронавирус індетін мобильді скрининг арқылы анықтау орталығына баратыны хабарланды.

«Ботаникалық бақты қайта қалпына келтіру жұмысымен танысып, құрылысы жүріп жатқан әлеуметтік қызмет көрсету үйін аралап көреді», – деді баспасөз хатшысы.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз