Қасым-Жомарт Тоқаев жаңа заңға қол қойды

Президент Қасым-Жомарт Тоқаев Еуразиялық экономикалық одақ шартына өзгерістер енгізу туралы хаттаманы ратификациялады, — деп хабарлайды Kznews.kz жаңалықтар порталы Ақорданың ресми сайтына сілтеме жасап.

«Мемлекет басшысы «2014 жылғы 29 мамырдағы Еуразиялық экономикалық одақ туралы шартқа (Еуразиялық экономикалық одақтың ортақ электр энергетика нарығын қалыптастыру бөлігінде) өзгерістер енгізу туралы хаттаманы ратификациялау туралы» Қазақстан Республикасының Заңына қол қойды», — делінген хабарламада.

Сонымен қатар, Мемлекет басшысы «2014 жылғы 12 қарашадағы Еуразиялық экономикалық комиссияның бәсекелестіктің бірыңғай қағидаларының сақталуын бақылау жөніндегі өкілеттіктерді жүзеге асыруы кезінде құпия ақпаратты қорғау тәртібі және оны жария еткені үшін жауаптылық туралы келісімге өзгерістер енгізу туралы хаттаманы ратификациялау туралы» Қазақстан Республикасының Заңына қол қойды.

(Фото http://Akorda.kz сайтынан алынды)