Қасым-Жомарт Тоқаев Қазақстандағы православие дін өкілдерін Рождество мерекесімен құттықтады
![](https://kznews.kz/wp-content/uploads/2024/01/full_170333016684708ac76865000ab96abb8275eb1a3a_webp-905x613.webp)
Мемлекет басшысы Қасым-Жомарт Тоқаев Қазақстандағы православие дін өкілдерін Рождество мерекесімен құттықтады. Бұл туралы Kznews.kz ақпарат агенттігі хабарлайды.
Президент бұл мерекенің адамзатты жақсылыққа дәріптейтінін алға тартты.
“Құрметті отандастар! Қазақстанның барша православие христиандарын Рождество мерекесімен құттықтаймын!
Бұл мейрамда жоғары адамгершілік қасиеттер кеңінен дәріптеледі, ізгілік пен әділдікті орнықтыра түсуге баса мән беріледі. Рождество адамзатты жасампаз әрі мейірімді болуға, жақындарына қамқорлық танытуға және мұқтаж адамдарға қол ұшын созуға үндейді, осы дінге сенетін жандарға үміт пен қуаныш сыйлайды”, – деді Тоқев.
Сонымен қатар мемлекет басшысы басқа дәстүрлі діндер секілді православие де мызғымас рухани құндылықтарды орнықтыру, өскелең ұрпаққа тәлім-тәрбие беру және халқымыздың сан қырлы тарихи-мәдени мұрасын сақтау жолында маңызды рөл атқаратынын жеткізді.
“Православие еліміздің дәйекті дамуына қажетті басты шарттың бірі – жалпыұлттық бірлігімізді нығайтуға да ықпал етеді.
Православиені ұстанатын азаматтарымыз Әділетті Қазақстанды құруға және еңбекқорлыққа, білімпаздыққа, отаншылдыққа, тілектестікке, өзара жауапкершілікке негізделген жаңа қоғамдық этиканы қалыптастыруға елеулі үлес қосады деп сенемін”, – деді президент.