Қарағандыда полиция тастанды нәрестенің анасын іздеп жатыр
Қарағандыда полиция тастанды нәрестенің анасын іздеп жатыр, — деп хабарлайды Kznews.kz Polisia.kz-ке сілтеме жасап.
Жедел басқару орталығына ер азамат қоңырау шалып, Оңтүстік-Шығыс ауданындағы көп қабатты үйлердің бірінің дәлізінде жас нәрестенің жатқаны туралы хабарлама түсті.
Оқиға орнына жедел жеткен тәртіп сақшылары баланы үсік шалудан аман сақтап қалды.
Қазіргі уақытта полиция қызметкерлері оның анасын және оқиғаның мән-жайын анықтап жатыр. Нәресте жедел жәрдем қызметкерлеріне берілді.
Аталған дерек бойынша қылмыстық іс қозғалды.
фото: polisia.kz
