Қарағанды облысында екі аяқты құлын туды

0
282
фото: badfon.ru

Қарағанды облысының Қарқаралы ауданында екі аяқты құлын туды. Кемтар төлдің видеосы әлеуметтік желіде тарады, — деп хабарлайды Kznews.kz жаңалықтар порталы Nege.kz сайтына сілтеме жасап.

Ветеринар мамандардың айтуынша бейнежазбадағы құлынның туылғанына 2-3 күн ғана болған. Алайда қожайыны төлді мал дәрігерін шақырып қаратпаған.

Дегенмен мұндай кемтар төлдің туылуына экологияның нашарлығы немесе айғырдың өз қанынан туған малға шабуы себеп болуы мүмкін дейді. Алайда ондай жағдай мыңда бір рет қана кездеседі деп отыр.

«Ауылдағы маман бұл құлынды көрмеген. Бұл полигонның зардабы ма, генетикалық зардап па белгісіз. Сондықтан не жағдай екенін нақты жауап айта алмаймын. Лабораторияның қорытындысы, ешқандай материал тапсырылған жоқ», – дейді Қарағанды облысы Қарқаралы аудандық ветеринарлық бекеттің басшысы Аян Міржақыпов.