Қаныш Сәтбаевтың 65 жыл бұрынғы бірегей аудиожазбасы табылды (ВИДЕО)
Қаныш Сәтбаевтың 1959 жылы Мәскеуде өткен КСРО Коммунистік партиясының XXI съезінде сөйлеген сөзінің үзіндісі Павлодардағы мұражай қызметкерлеріне тапсырылды, деп хабарлайды Kznews.kz 24.kz телеарнасына сілтеме жасап.
Қазақстанның жер қойнауында түсті, қара, асыл, сирек металдардың барлық дерлік түрлерінің әлемдік деңгейдегі қорлары, минералды тыңайтқыштар шикізаты, көмір, тұздар, құрылыс материалдары, сондай-ақ мұнай мен табиғи газдың үлкен қоры бар, – дейді Мәскеуде өткен съезде Сәтбаев.
Тарихи-өлкетану мұражайы қорының бас тәлімгері Әлия Жомартованың айтуынша, бұл аудиожазба қазір эксклюзивті экспонат.
Әрине, Қазақстан ғылымы үшін көп еңбек сіңірген атақты ғалымымыздың үнін есту біз үшін өте маңызды. Павлодар өзінің атақты жерлесін мақтан тұтатынын білесіздер. Сондықтан бұл дауыс Қазақстан үшін өте құнды. Бұл бірегей экспонат, — деді ол.
