Қанат Исламның келесі жекпе-жегі 20 ақпанда өтеді

Қазақстандық боксшы Қанат Ислам (27-0-1, 21 КО) жуырда шаршы алаңға оралады.

Boxingscene.com мәліметінше, Қанат Исламның келесі жекпе-жегі 20 ақпан күні Флорида штатының Майами қаласында өтеді.

10 раундтық жекпе-жекте ол ганалық Ободай Саймен кездеседі (35-3-1, 26 нокаут).

Ислам 2019 жылдың қазан айынан бері шаршы алаңға шықпады. Соңғы жекпе-жекте ол намбиялық Вальтер Каутондокваны (18-2, 17 нокаут) жеңіп, орта салмақтағы WBO халықаралық титулын иеленді.

Ал Сай соңғы рет 2019 жылдың 9 тамызында конголық Катембомен жұдырықтасты.