Қайрат Құдайбергенді қамауда ұстау мерзімі ұзарды

0

Сот Алматы мәслихатының депутаты Қайрат Құдайбергенді қамауда ұстау мерзімін ұзартты, — деп хабарлайды Tengrinews.kz тілшісі.

«Тергеу сотының қаулысымен соталды тергеп-тексеру органының екі ай мерзімге күзетпен ұстау түріндегі бұлтартпау шарасын қолдануға санкция беру туралы өтінішхаты қанағаттандырылды. Күзетпен ұстау мерзімі — 2022 жылғы 21 маусымға дейін ұзартылды», — деп түсіндірді Алматы сотының баспасөз қызметі.

Еске салайық, Қайрат Құдайберген 22 сәуірде ұсталған болатын. Артынша прокуратура алматылық мәслихат депутаты Алматыдағы қаңтар оқиғасы кезінде жаппай тәртіпсіздікті ұйымдастырды және оған қатысты деген күдікке ілінгенін растады.