«Қайдағы идеология?»: Канделаки Қырғызстанда да орыс тілі шеттетіліп жатқанын айтты
Ресейлік тележүргізуші Қырғызстанда орыс тілі шеттетіліп жатқанын жазған, деп хабарлайды Ulysmedia.kz.
Ол Қырғызстан билігі бір жылдан бері Бішкектегі төрт ауданның атын өзгерту бойынша жұмыстар жүргізіп жатқанын айтқан.
Қазір Бішкектегі аудандарда КСРО кезінен сақталған орысша керемет атаулармен аталған: Первомайский, Октябрьский, Ленинский, Свердловский. Қырғызстандық депутаттар бұл «ұлттық идеологияны нығайту, сондай-ақ тарихи дәстүрлер мен құндылықтар негізінде азаматтардың рухани-адамгершілік тәрбиесін жақсарту мақсатында» ұсынып отыр. Қырғызстан халқының көбі қырғыз тілінде емес, орыс тілінде сөйлесе, қайдағы идеология? Бәрін қиындатудың не қажеті бар? — дейді Тина Канделаки жазбасында.
Алайда тележүргізуші кейін жазбасын өшіріп тастаған.
