Қадыров қазақ халқынан кешірім сұрап, өзінің де «қазақ» екенін мәлімдеді (видео)

0

Шешенстан басшысы Рамзан Қадыров қазақ халқына тіл тигізген үшін кешірім сұрады.

Кешірім видеосын Қадыров өзінің telegram-арнасында жариялады.

– Ассалаумағалейкум, құрметті достар мен бауырлар! «Рамзанның қазақ халқы туралы айтты» дегендерге қатты ренжідім. Сендерге қарағанда менің қазақилық деңгейім жоғары. Менің әкем Қазақстанда дүниеге келген. Менің атам Қазақстанда жұмыс істеген. Атамның ағасы Қазақстанда жерленген. Мен өмірімде қазақ халқы туралы жаман сөз айтқан емеспін. Мен жалпы саясатты айтып отырмын, — деді Рамзан Қадыров.

Ол өзінің сөздеріннен «саясат» жасамауға өтінді.

– Мен қазақ халқын өте жақсы көремін. Мен өте ризамын. Жалғыз мен емес, бүкіл шешендер, қазір жоқ ата-бабаларымыз да риза. Біз қазақ халқына қашанда алғыс айтып, бірге болдық. Мен де айтайын… Сталин қарғыс атсын, бізді қуып шыққанда КСРО болды, ал Қазақстан Сталинге бағынды. Ал бізді осы сталиндік режим қуып жіберді, ол кезде Қазақстан осы мемлекеттің құрамында болды, – деді Шешенстан басшысы.

Қадыров «бауырлас болып қалуға, бір-бірімізге ризашылық пен құрмет көрсетуге» шақырды.

– Қай қазақтан қарағанда менің қазақилық деңгейім жоғары. Қазақстанға көмек керек болса, қазақ халқының қасында бірінші болып мен тұрамын. Олар (ҰҚШҰ – Ред.) неге шара қолданбайды? Неге олар мәлімдеме жасамайды? Олар бүгінде елімізді неге қолдамайды? — деп сұрады Қадыров.

Қазақстан мен Сібірде бізді мүмкіндігімізге қарай, барынша қабылдады. Ендеше, ағайындық қарым-қатынасымыз нығайып, біз бір-бірімізге қолдайық, – деп түйіндеді Қадыров.

“Мен қазақ халқына жаман сөз айтқан емеспін. Менің әкем Қазақстанда туған, аталарым сонда жерленген. Мен сендерге қарағанда қазақпын”  — дейді Қадыров.