Путин Таяу Шығыстан Украинаға еріктілер жіберуге келісті

Ресей қорғаныс министрі Сергей Шойгу Украинадағы соғыс қимылдарына қатысу үшін еріктілерді тартуды ұсынды. Өтінімдердің ең көбі  Таяу Шығыстан – 16 мыңнан астам, деп хабарлайды kznews.kz сайты orda.kz порталына сілтеме жасап.

Владимир Путин Қауіпсіздік кеңесі отырысында Ресей қорғаныс министрі Сергей Шойгудың әскери арнайы операцияға шетелдік еріктілерді тарту туралы ұсынысымен келісті, деп хабарлайды «Ведомости».

— Бізге әр түрлі елдерден  көптеген еріктілерден  өтініштер келіп жатыр <…> Олардың  көбі Таяу Шығыс елдерінен: қазірдің өзінде 16 000-нан астам өтініш бар, – деді Сергей Шойгу.

Сонымен қатар, министр Ресей әскерлері жинақтаған қолға түскен  украиндық қару-жарақтарды ЛХР мен ДХР-ға беруді ұсынды: танктер, броньды машиналар, атыс қаруының барлық түрі, Javelin және  Stinger кешендері.

— Егер сіз Донбаста тұратын адамдарға ерікті түрде, әсіресе ақша үшін емес, келіп, көмектескісі келетін адамдар бар екенін көрсеңіз, сіз оларды жарты жолда қарсы алып, соғыс аймағына келуге көмектесуіңіз керек, – деп Путин бұл ұсынысты қолдады.

Wall Street Journal басылымы 6 наурызда АҚШ үкіметіндегі дереккөздерге сілтеме жасап, Ресейдің Украинаға сириялық жалдамалы әскерлерді жіберуді жоспарлап отырғанын хабарлады.

Бұған дейін Украина президенті Владимир Зеленский жариялаған аумақтық қорғаныстың халықаралық легионына ондаған жапондық ерікті болғаны хабарланған болатын.