Президент сайлауы 2019: Төлеутай Рақымбеков дауыс берді

Төлеутай Рақымбеков Ұлттық музейдегі сайлау учаскесіне таңғы сағат 10:00-де келді

НҰР-СҰЛТАН, 9 маусым — Sputnik. «Ауыл» партиясы атынан сайлауға түскен Төлеутай Рақымбеков өз таңдауын жасады, деп хабарлайды Sputnik Қазақстан тілшісі.

Кандидат Ұлттық музейдегі сайлау учаскесіне таңғы сағат 10:00-де келген.

Тағы оқыңыз: Тоқаевтың бюллетені урнаның аузында тұрып қалды — видео

Рақымбеков сайлауға отбасымен бірге келді. Жанында әйелі Салтанат Рақымбекова, қызы – Әлия Рақымбекова мен Тимур және Әлихан есімді екі немересі болды. Бүгін Әлиханның туған күні екен. 

Президент сайлауы қалай өтіп жатыр

Елорда уақытымен сағат 12:00-дегі жағдай бойынша сайлаушылардың 35,1%-і дауыс беріп үлгерді.

Айта кетсек, сайлау учаскелері жергілікті уақытпен таңғы 07:00-де жұмысын бастады. Дауыс беру кешкі 20:00-ге дейін жалғасады. Қазақстан бойынша он мыңға жуық сайлау учаскесі ашылды. Уақыт белдеуіне байланысты Қазақстанның бес өңірінде – Ақтөбе, Атырау, Батыс Қазақстан, Маңғыстау және Қызылорда облыстарында сайлау учаскелері елорда уақытымен 08:00-де жұмысын бастады.

Учаскелерде тізімге енгізілген сайлаушылар саны 11 миллион 947 мың 995 адамды құрап отыр. Президенттікке кандидаттардың бәрі өз таңдауын жасады.