Полицейдің мектеп маңындағы әрекеті Астана тұрғындарын таңғалдырды — Бір үзік

Астанада оқушылардың бірінің әкесі полицейді видеоға түсіріп алды, ол омбы қарда жолдан өте алмай тұрған балалар мен ересектерге көмектескен. Видео Instagram желісіндегі v_astane_official парақшасында пайда болды.

Видео авторының айтуынша, ол құқыққорғаушыны 30 қарашада №62 мектептің маңынан байқаған.

Ер адамның айтуынша, адамдар омбы қардың кесірінен тайғып, кейбірі құлаған. Жолдағы жаяу жүргіншілер жолағы да қар астында қалған. Бірінші сыныптың оқушылары үйілген қарда жүре алмай қалған. Сол сәтте мектеп маңында кезекші болған полицей балаларды көтеріп өткізіп, ересектерге қолын созып, көмектесіп тұрыпты.