Пиджагін шешіп, бір қолға тұра қалған елші президентті күлдірді

0
86

Әлемде

Қысқа сілтеме алу

1 0 0

Израиль елшісі Солтүстік Македония президентінің қабылдауында трюк көрсеткен

НҰР-СҰЛТАН, 28 шілде – Sputnik. Солтүстік Македониядағы Израиль елшісі Дан Орьян ел президенті Стево Пендаровскимен кездесуде бір қолға тұра алатынын көрсетті. Осы сәттің суретін мемлекет басшысы Facebook желісінде жариялаған.

Фотоға қарағанда, Солтүстік Македония президентінің қабылдауына келген израильдік дипломат трюкті орындау үшін пиджагін шешіпті.

«Израиль елшісі Дан Орьянның бір қолға тұрған суреті көпшілікке үлгі болып, дене шынықтырудың қандай маңызды, ал кейде күлкілі екеніне дәлел болсын», — деп жазды Пендаровски.

Тағы оқыңыз: Мемлекет басшысы сөз сөйлеп тұрғанда иығына тарақан шығып кетті – видео

Атап өтсек, Пендаровски Израиль елшісімен жұма 26 шілде күні кездескен болатын. Тараптар қауіпсіздік, ғылым мен жаңа технологиялар, ауыл шаруашылығы, сондай-ақ мәдениет және туризм салаларындағы экономикалық қатынастарды талқылаған еді.



sputniknews.kz