Петропавлда көлігіне Жеңіс күні жапсырмасын ілген ер адам қамауға алынды
Петропавлда потрульдік полиция алдыңғы бүйірлік терезелерінде жапсырмасы бар көлікті тоқтатты. Бұл туралы Petropavlovsk.news сайтына сілтеме жасап Ulysmedia.kz хабарлайды.
Анықталғандай, бір жыл бұрын да осы азамат көлігінің бүйірлік әйнектеріндегі жапсырмаларды алып тастауға мәжбүр болған.
Сотта белгілі болғандай, жүргізуші тәртіп сақшысының көліктің алдыңғы бүйірлік әйнектеріне орнатылған жұлдыз бен ұшақтың суретін алып тастау туралы заңды бұйрығына бағынбаған, себебі ол көлік жүргізу кезінде көрініске кедергі келтірген.
12 мамырда Петропавл қаласының Әкімшілік құқық бұзушылық істер жөніндегі мамандандырылған соты Қазақстан Республикасы ӘҚБтК-нің 667-бабының 2-бөлігінде көзделген құқық бұзушылық туралы істі қарады — «Құқық қорғау органы қызметкерінің заңды бұйрығына немесе талабына бағынбау, бір жыл ішінде бірнеше рет құқық бұзушылық туралы». 2022 жылдың 9 мамырында ер адам осы баптың бірінші бөлігі бойынша сотталып, қамауға алынған.
