Павлодарлық депутат қылмыс жасайтын балаларға чип салуды ұсынды

Павлодарлық депутат Гүлжайна Дәрімова қылмыс жасайтын жасөспірімдерге чип салуды ұсынды.

 «Чип орнатылатын болса учаскелік полицейлер балалардың үйде бар-жоғын тексере алады. Мен оларға чип орнатар едім»,- деді депутат әлеуметтік желіде.

Депутаттың айтуынша, олар біздің балаларымыз үшін қауіпті болса, үйде отырып, кітап оқып, кино көріп, өмірді зерттеу керек.

Депутат қылмыстық әрекет жасайтын жасөспірімдерді бас бостандығынан айыру орындарынан босатылғандармен салыстырды. Ол есепте тұратын балалар қауіпті болғандықтан, чиптеп, қоғамнан оқшаулау қажет екенін жеткізді. Даримова өзі де ана болғандықтан балалары үшін алаңдайтынын айтты.

Еске сала кетейік, бұған дейін Павлодарда 13 жастағы жасөспірімді төрт адам аяусыз соққыға жыққан болатын.

ақпарат, фото: Kaztag.kz