Павлодарда танысын соққыға жыққан 7 қызға қатысты сот үкімі шықты — Қазақстан жаңалықтары

Павлодарда бір топ қыз танысын соққыға жықты. Қаланың  мамандандырылған әкімшілік соты қақтығысқа қатысқан 7 адамға үкім шығарды, деп хабарлайды Stan.kz ақпарат агенттігі.

Әлеуметтік желіде Павлодар қаласында 28 сәуір күні сағат 19:30-да бір топ әйелдің кәмелетке толмаған қызды аяусыз ұрып жатқан сәті түсірілген видео тарады. 

Төбелес қатысушыларын полиция ұстады. Аталған факті Павлодар қаласының солтүстік полиция бөлімінде тіркелді. Белгілі болғандай, құқық бұзушылар полиция бөлімінде де сыра ішіп, орынсыз әрекет жасаған.

«28 сәуірде бұрын таныс болған қыздар арасында жанжал болды. Себеп анықталды — жәбірленуші қыз өзінің танысына спорт киімін қайтармаған… Сондай-ақ, полиция пунктінде алкоголь ішімдігін (сыраны) ішу фактісі бойынша бес қызға қатысты ҚР ӘҚБтК-нің «Алкоголь ішімдіктерін ішу немесе қоғамдық орындарға мас күйінде келу» бабының бірінші бөлігі бойынша әкімшілік іс қозғалды. Олардың барлығына бес айлық есептік көрсеткіш мөлшерінде айыппұл салынды», — деді өңірлік полицияда.

Ведомствода атап өткендей, жанжалға қатысқандарға полиция бөлімшесінде сыра ішкені үшін ғана бес АЕК көлемінде айыппұл салынды.

Ал 3 сәуірде  Павлодар қаласының мамандандырылған әкімшілік сотында сот отырысы өтті, онда жанжалдың 7 қатысушысына қатысты ҚР ҚК «Ұсақ бұзақылық» және «Төтенше жағдайды бұзу» бойынша іс қозғалды, сондай-ақ 1 қатысушыға қатысты екі баптан басқа ҚР ӘҚБК «Төтенше жағдай кезінде құқық тәртібін бұзуға итермелейтін іс-әрекеттер» бабы бойынша іс қозғалды.

Павлодар облысы ПД баспасөз қызметінің хабарлауынша, сот шешімімен барлық қақтығысқа қатысушылар сотталды. Атап айтқанда, азамат Қ, 2000 жылы туған — 15 тәулік мерзімге әкімшілік қамауға алынды. Азамат. Б., 1998 жылы туған және азамат Д., 1999 жылы туған — 10 тәулік мерзімге әкімшілік қамауға алынды. Азамат О., 2000 жылы туған және азамат С., 1999 жылы туған — 5 тәулікке қамауға алынды. 

Қақтығысқа қатысқан екі әйелдің  жас балалары бар, осыны ескере отырып, олардың жазалары жеңілдетілді. Азамат Б., 1999 жылы туған, 15 АЕК мөлшерінде, ал азамат Ш. 2001 жылы туған 10 АЕК айыппұл төлейді.

«Әкімшілік жауапкершіліктен бөлек, барлық қақтығыс қатысушылары «бұзақылар-дебоширлер» санаты бойынша ішкі істер органдарына есепке алынды», — деп атап өтті полицейлер. 

Сондай-ақ қақтығысқа қатысушылардың барлығына қатысты ҚР ҚК-нің «Өзінше билік ету» бабы бойынша сотқа дейінгі тергеу шеңберінде тергеу әрекеттері жүргізіледі.

«Әлеуметтік желілерде кейбір пайдаланушылар қыздар жауапкершіліктен құтыла алады деген пікір білдірді, олардың ықпалды туыстары бар деген болжаммен бөлісті. Осыған байланысты барлық қыздар жазасын өтейтініне сендіргіміз келеді. Тергеушілер қажетті тергеу іс-шараларын жүргізіп, барлық материалдарды жинады. Олардың әрқайсысының кінәсінің дәрежесін сот анықтайды», — деп атап өтті облыстық ПД баспасөз қызметінде.