Павлодар қаласының әкімі Ержан Иманзайыпов қызметінен босатылады

Павлодар қаласының әкімі Ержан Иманзайыпов қызметінен босатылады, — деп хабарлайды Kznews.kz тілшісі әкімдіктің баспасөз қызметіне сілтеме жасап.

Павлодар облысының әкімі Асайын Байханов Павлодар қаласының активімен кездесу өткізіп, оның қорытындысы бойынша қызметкерлері арасында сыбайлас жемқорлықтың алдын-алу және ескерту бойынша жұмыстардың тиісінше ұйымдастырылмауына, қала тұрғындары үшін облыс орталығын дамыту және абаттандыру жөніндегі маңызды жобалардың іске асырылуына қажет бақылау болмауына, қала әкімдігінің Павлодар қаласының тұрғындарымен коммуникациясының әлсіреуіне байланысты Павлодар қаласының әкімі Ержан Иманзаиповты лауазымынан босату туралы қабылданған шешімді мәлімдеген.

Облыс әкімінің аппаратына Президент әкімшілігіне тиісті ұсыныс енгізу тапсырылды.

Айта кетейік, Ержан Иманзайыпов былтыр желтоқсанда Павлодар әкімі қызметіне тағайындалды. Бұған дейін ол Екібастұз қаласының әкімі қызметін атқарған болатын.