Павлодар облысында сауда орталықтары ашылып жатыр – келушілер нені білуі керек

0
31

Өңірде сауда және ойын-сауық орталықтары іске қосылады, бірақ әзірге ойын алаңдары мен кинотеатрлар жұмыс істемейді

ПАВЛОДАР, 21 мамыр – Sputnik. Павлодар облысының бас санитар дәрігерінің қаулысымен өңірде сауда және ойын-сауық орталықтары ашылып жатыр, деп хабарлайды Sputnik Қазақстан тілшісі.

Оқи отырыңыз: Қазақстанның тоғыз өңірінде ХҚКО ашылды

Облыстың бас санитар дәрігері Зәмзәгүл Дощанованың қаулысына енгізілген өзгертулер мен толықтыруларға сәйкес, 21 мамыр, бейсенбіден бастап өңірдегі сауда және ойын-сауық орталықтары өз жұмысын қайта бастайды.

Олардың жұмыс режимі 10.00-ден 17.00-ге дейін.

Сонымен бірге сауда орталықтарында санитарлық-дезинфекция режимі күшейтілуі тиіс, маска режимі мен әлеуметтік қашықтық сақталуы керек. Заң бұзушылықтар анықталған жағдайда дереу Қазақстанның қолданыстағы заңнамасына сәйкес шаралар қабылданады.

«Сонымен қатар ойын-сауық алаңдары (ойын алаңдары, кинотеатрлар және басқа да көңіл көтеретін орындар) әзірге жұмыс істемейді», – делінген жаңа құжатта.

Бүгінгі таңда Павлодар облысында коронавирус инфекциясын жұқтырған 167 пациенттің 141-і сауығып шықты.



sputniknews.kz