Пәтерді тіркеу кезінде алаяқтардан сақтану үшін блокчейн енгізу ұсынылды

0

Тіркеу мәліметтерінің болмауы немесе мүліктің уақтылы тіркелмеуі меншік құқығын жоғалтуға алып келетіні белгілі.

ҚР Парламенті Мәжілісі төрағасының орынбасары Владимир Божко жылжымайтын мүлікті тіркеу кезінде блокчейн технологиясын енгізу арқылы алаяқтармен күресуді ұсынды, деп хабарлайды ҚазАқпарат.

«Тіркеу мәліметтерінің болмауы немесе мүліктің уақтылы тіркелмеуі меншік құқығын жоғалтуға алып келетіні белгілі. Мүлікті жалған құжаттармен тіркеу фактілері бар. Сондықтан бұндай әрекеттерге блокчейн технологияларын енгізу есебінен тосқауыл қоюға болар еді. Алаяқтықпен күрес мақсатында блокчейн жүйесін қолдану шаралары Үндістанда енгізілген. Сонымен қатар, оны Украинада, Швецияда және басқа да елдерде кеңінен пайдалану жоспарланып отыр», – деді В. Божко жылжымайтын мүлік мәселесіне арналған Үкімет сағатында.

Бұдан бұрын хабарланғандай, ҚР Ақпарат және коммуникациялар министрі Дәурен Абаев блокчейн технологияларын енгізу арқылы мемлекеттік органдардағы ашықтық деңгейі айтарлықтай өзгеретінін атап өткен болатын.

Telegram арнасындағы маңызды жаңалықтар «zakon.kz». Жазылу!

Дереккөз: https://kaz.zakon.kz/

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз