“Өзіне қол жұмсаған“. Шахтинскіде әскери қызметшінің денесі табылды

Шахтинск қаласындағы көпқабатты үйлердің бірінен әскери қызметшінің денесі табылды. Алдын ала деректер бойынша, ол өзіне қол жұмсаған. 

Қайғылы хабармен ҚР Ұлттық ұланы «Орталық» өңірлік қолбасшылығының баспасөз қызметі бөлісті.

Баспасөз қызметінің мәліметінше, ҚР Ұлттық ұланы «Орталық» өңірлік қолбасшылығы 6505 әскери бөлімінің келісімшарт бойынша қызмет етіп жатқан әскери қызметшінің денесі өзі тұрып жатқан пәтерден табылған.

«Ағымдағы жылдың 13 қазанында Шахтинск қаласында қызметтен тыс уақытта өзі тұрып жатқан пәтерден келісімшарт бойынша әскери қызметшінің денесі табылды. Болжамды ақпаратқа сәйкес, әскери қызметші отбасылық-тұрмыстық жанжал негізінде өзіне қол жұмсаған. Қазақстан Республикасы Ұлттық ұланы «Орталық» өңірлік қолбасшылығы әскери қызметшінің туыстары мен жақындарына көңіл айтады», – делінген хабарламада.

фото: azh.kz