«Өзі сабақты білмейді»: ШҚО-да оқушылар «дипломсыз» мұғалімнен дәріс алудан бас тартты — Қазақстан жаңалықтары

0

Шығыс Қазақстан облысында ата-аналар «агрохимия» мамандығын тәмәмдаған адамның оқушыларға сабақ беруге құқығы жоқ деп есептеп, балаларын химия пәніне жібермей отыр. Бұл туралы Stan.kz ақпарат агенттігі «31 арнаға» сілтеме жасап.

Бесқарағаай ауданына қарасты Бөден ауылының 9 сыныбының төрт оқушысы жарты айдан бері химия пәнінің сабағына қатыспаған. Олар дипломы жоқ мұғалімнен білім алғанша, өзіміз ізденіп оқығанымыз дұрыс деп есептейді. 

«Өзі сабақты білмейді, тіпті, қарапайым валентті де білмейді де, оқушылар жауап беріп тұрса да, сол жауапты дұрыс емес деп, қабылдамайды. 

Ал ата-аналар «бір сабаққа қатыстырмағанымыз үшін басқа мұғалімдер балаларымызға қырын қарай бастайды», — дейді.

Олардың айтуларынша, жеткіншіктер осы жағдайдан кейін үйге жылап келетін болған.

«Ал, енді біздің балаларымызға айтыпты, қорықпаймын, сөйтпеймін. Менің балам қыз бала, енді, ертең бірнәрсе болса, не істеймін. Жылайды келгенде. Сіз жаздыңыз деп, сөйттіңіз деп… Мен не ұшін жылаймын, өйткені, баламды дұрыс білім алсын деп жылаймын», — дейді ата-ана Асия Құрманбаева.

Зейнеп Молдабекованың балаларының өздеріне ренжитіндерін айтты.

«Апа, сен жаздың. Сен жазғаннан бері бізге мұғалімдер, әркім әрқалай қарайды», — деді ол.

Мектеп директоры болса шуды маман жетіспеушілігінен туындады деп есептейді.

Химия пәнен сабақ беретін мұғалім бұл ауылға осы оқу жылында келген. Оның дипломы жоқ деген жалған ақпарат екен. «Агрохимияны» мамандығын бітірген мұғалімді амалсыз жұмысқа алуға тура келген. 

«Осы Бөдене мектебі бойынша бірінші мәселе — ол химия пәніні мұғалімі. Оны біз қазір мектептің әкімшілігіне тапсырма береміз. Осы ауылда 61 жастағы зейнеткер бар дейді, ол химия-биология пәнінен. Сол кісіні шақырамыз жұмысқа. Егер ол кісі келіспей жатса, онда басқа қалаға, басқа аудандарға ұсыныс жолдаймыз», — деді Бесқарағай ауданы білім бөлімінің басшысы Самат Омарғазин. 

Бұл ретте мектеп директорына бірнеше тексерістен кейін сөгіс жарияланғанын атап өту керек.

 

stan.kz